Luka Modric beson se Antoine Griezmann është lojtari francez që e meriton më së shumti të fitoj Topin e Artë, para Kylian Mbappes dhe Raphael Varanes.

Modric është duke u konsideruar nga shumë si favorit për çmimin, i cili do të dhurohet më 3 dhjetor, dhe besohet se do të thyej më në fund duopolin e superyjeve të Juves dhe Barcelonës – Cristiano Ronaldos dhe Lionel Messit, transmeton portali arbresh.info.

“Do ta zgjedhja Antoine Griezmannin në pozitën më të mirë sa i përket tre francezeve për të gjitha që kanë arritur këtë vit”, ka thënë ai për ‘France Football’.

Pavarësisht kësaj, Modric beson se Mbappe mund të bëhet gjithnjë e më i mirë derisa po zhvillohet si një yll i talentuar.

“Mbappe? Ai është një talent i jashtëzakonshëm, një premtim i madh për të ardhmen por që tashmë ka shfaqur një nivel të mrekullueshëm. Ai është vërtetë i veçantë”, ka shtuar ai.

Varane sigurisht që ka qenë një lojtar që i ka ndihmuar Real Madridit drejt triumfit në Ligë të Kampionëve si dhe ka pasur një rëndësishme të madhe te skuadra e Dider Deschamps që mori trofeun e madh në Rusi./arbresh.info/